Ti moun siz an
Li gen fyèl
Kè l kontan : l ap souri.
Li pale ak gran moun,
Li pale ak ti moun,
Li konprann sa l ap di,
Men sonje :
Se jwe l ap jwe !
Li defye yo : kè l kontan !
Tankou tout ti moun siz an
Li griyen dan
Kè l kontan : l ap souri.
Li pale ak gran moun,
Li pale ak ti moun,
Li konprann sa l ap di,
Men sonje :
Se jwe l ap jwe !
Li defye yo : kè l kontan !
Tankou tout ti moun siz an
Li griyen dan
Jèn, vye :
Ansanm yo jwe,
Ansanm yo pataje.
Ansanm yo jwe,
Ansanm yo pataje.
Montre l yon kabòs,
L ap reponn kakao.
Montre vetivè,
Li reponn : vetivè,
Se yon plant ki pwoteje latè.
L ap reponn kakao.
Montre vetivè,
Li reponn : vetivè,
Se yon plant ki pwoteje latè.
Siz an l fèk fete
Ayiti, li renmen l
Li fyè, paske l konnen l
Ayiti, li renmen l
Li fyè, paske l konnen l
Tankou yon ti moun siz
An, ki soti Ayiti
Men se lòt bò li grandi !
Gran moun, nou tout sezi !
An, ki soti Ayiti
Men se lòt bò li grandi !
Gran moun, nou tout sezi !
Li rele Manman,
Li rele Papa
Ansanm
Pou nou vini chita.
Li di : pa enkyete w,
Bagay sa ap enterese w.
Voye « Tim tim ! »
L ap reponn : « Bwa sèk ! »
Se siz an li genyen :
Pa manke l dega
Oswa
Se li menm k ap rakonte istwa a !
Li konnen Ti Pyè,
Li konnen vetivè.
Pase isit, l ap pase la.
Pye mouye : li konnen pou ki sa.
Li fyè : kè l kontan !
Li renmen paske l konnen
Se yon konfimasyon
Kreyòl se djondjon :
Li leve kote l vle !
An nou pale kreyòl tout kote !
Li rele Papa
Ansanm
Pou nou vini chita.
Li di : pa enkyete w,
Bagay sa ap enterese w.
Voye « Tim tim ! »
L ap reponn : « Bwa sèk ! »
Se siz an li genyen :
Pa manke l dega
Oswa
Se li menm k ap rakonte istwa a !
Li konnen Ti Pyè,
Li konnen vetivè.
Pase isit, l ap pase la.
Pye mouye : li konnen pou ki sa.
Li fyè : kè l kontan !
Li renmen paske l konnen
Se yon konfimasyon
Kreyòl se djondjon :
Li leve kote l vle !
An nou pale kreyòl tout kote !
Commentaires
Enregistrer un commentaire