ENA ak mizik

( version en français plus bas )

Chak jou gen yon pakèt zouti ki parèt ak entèlijans atifisyèl (ENA) : yo toupatou, yo tout kote, nou pa pral janm fè yon jou san nou pa kontre yo. 

Èske ENA pral ranplase tout atis nou yo ?

Non ! 🤗

Entèlijans atifisyèl ( ENA ) pòko prè pou ranplase kreyativite kretyenvivan yo : 

Kredi foto : Mohamed HASSAN 18/03/2021 - https://pxhere.com/fr/photo/1640118 

1) ENA brase yon pakèt enfòmasyon aprè li sèlman kopye sa l te jwenn 

Nou tou mèt pran egzanp kreyasyon chante ak SUNO.com : 

Souvan nou rekonèt mizik ki te gentan fèt deja.

Plizyè fwa, plizyè moun diferan di m « o o ! Apa m rekonèt mizik sa ! » Tandiske se premye fwa m te jwe l pou yo e mizik sa pòko sòti sou entènèt. Moun sa yo rekonèt yon melodi, tankou nou ta sonje yon chante orijinal nan yon repriz. An n sonje tou ki jan ENA ap travay : li pran yon pakèt egzanp, li evalye kritik ak kòmantè yo, apre li pataje yon repons ak k sa l jwenn.

2) ENA bay manti 

..... tankou yon lo politisyen men sa se yon lòt afè

Oswa ou konn sijè a deja e ou pral wè tousuit ki kote l ap bay manti, oswa kontinye fè rechèch pou aprann ak konprann pi plis sijè a. Gen yon pakèt egzanp sou entènèt e sosyete OpenAi toujou make yon ti fraz pou pwoteje tèt li : « ChatGPT gen dwa twonpe l ». Mwen menm m te fè esperyans sa ak pye mango, karabela, jwèt kawo, kasav. ENA ekri « kasav fèt ak mayi » men l ap bay manti : kasav fèt ak manyòk e nan kasav dous yo ajoute kokoye. 

3) ENA vit koumanse repete menm mo yo menm kote

Pou tèt mwen ak pwòp esperyans mwen, ChatGPT vit koumanse repete mo « limyè » nan chak tèks li pwopoze m : m gentan bouke !

4) ENA pa respekte règ yo ou ba li l 

ENA pòko kapab reyalize ide a menm jan ou genyen l nan tèt ou : oswa ou pa esplike yo byen oswa li pòko menm konnen sijè w ap pataje avè l.

Lè w yon ide, tou reyalize l.

Li gentan kòdjòm kòdjòm ?

Wi ? Non ?

Apre sa, pa enkyete w : w ap gen kont tan ou pou amelyore l !

Egzanp : « Menm jan ak paran nou yo » ak lòt bèl chante